Klámið er víða

Heimsókn fulltrúa úr netklámsheiminum hefur vakið mikil og sterk viðbrögð. Feministar hafa bent á þá lykilstaðreynd að klámið hefur á sér orðspor fyrir að ýta undir mannsali. Allir muna eftir áhrifamiklum kvikmyndum á borð við Trafficking eða Lilja4Ever þar sem ungar stúlkur voru rændar lífi sínu eftir að hafa fallið fyrir gylliboðum um betri heim í vestrænu þjóðfélagi. Að ógleymdri kvikmyndinni Ett Hål i mitt hjärta þar sem ungmenni gera klámmynd og ganga fram af sjónvarpsáhorfendanum.
Boogie Nights eftir Paul Thomas Anderson sýndi óvanalega mynd af kláminu þar sem leikstjórarnir töldu sig ekki vera að gera einhvern viðbjóð heldur bara venjulega list. Einhverjir muna eftir því þegar Burt Reynolds horfði með hryllingi til þess að farið var að taka uppá myndbandsspólur og filmurnar heyrðu sögunni til. "Auðveldar alla fjöldaframleiðslu og gróðinn verður meiri," var sagt. 
Og þetta má til sanns vegar færa. Um miðjan áttunda og í byrjun þess níunda tók klámið furðulega U-beygju. Öfgafullar kristnar hreyfingar, gríðarlegt fjármagn erótíska iðnaðsins og fleiri hlutir "neyddu" klámið til að hverfa af yfirborði jarðar en hann blómstrar neðanjarðar. Til glöggvunar má benda á að klámiðnaðurinn í Los Angeles skilar meiri gróða en "hefðbundin" kvikmyndagerð.

Klám og erótík á sér álíka jafn langa sögu og maðurinn sjálfur. Nægir þar að horfa til löngunar grískra aðalsmanna að horfa á fáklæddar stúlkur og drengi í efnislitlum fötum á meðan þeir böðuðu sig. Indverjar og aðrar austrænar þjóðir pældu mikið í karmasutra og menn þurfa ekki að vera víðlesnir til að muna eftir þeim myndum sem prýddu bókina.
Nútímaklám hefur vissulega gert konuna að söluvöru. En það hefur poppheimurinn líka gert. Ef menn vilja skoða barnaklám þá ættu þeir að gera sér far um að horfa á POPP TV eða MTV en þær stöðvar eru sýndar gjaldfrjálst. Þar má sjá barnungar stúlkur dilla sér við æsandi tóna. Hver man ekki eftir Tatto-stúlknasveitinni frá Rússlandi. Þær fengu síðar að keppa í Eurovision.
Klám er víða. Einu sinni var gerð Nóa Kroppsauglýsing þar sem kona ein át súkkulaði, kviknakinn ofaní baðkari. Eða þá bílnum sem hafði lagið I see you baby shaking that ass en þar mátti sjá kvenkynsrassa hrista rassinn. Ekki gleyma heldur bjórauglýsingu þar sem allt snýst um fagra og lögulega kroppa. Klámið er víða.

Stígamót skora á ráðamenn þjóðarinnar að koma í veg fyrir klámþing