DV breytir um ritstjóra en varla útlit

Sigurjón Magnús Egilsson gaf út sitt fyrsta DV-blað í dag. Skiptar skoðanir eru um ágæti þess blaðsins en aðeins einn úr "skjallbandalagi Fréttabloggara" hafa látið skoðun sína í ljós á fyrsta eintakinu.

Steingrímur Sævarr Ólafsson furðar sig á því hvernig DV gat sleppt Siv Friðleifsdóttur í úttekt blaðsins á Framsóknarflokknum. Upplýsingafulltrúinn segir að blaðið sé ekki mikið breytt útlitslega en þar sé að finna margar flottar og vel skrifaðar greinar.

Varla telst þetta góð byrjun hjá nýju blaði þegar blaðið fattar ekki að gera stærstu fréttinni sinni skil á forsíðu, að Magni Ásgeirsson og Eyrún Haraldsdóttir séu skilin. Reyndar segir í siðareglum blaðsins, sem birtar voru í blaðinu, að það ætli ekki að hnýsast í einkamál annarra að óþörfu þótt ekki verði annað séð að með "skúbbi" sínu sé blaðið einmitt að gera slíkt.

 

 

Athugasemdir

[Atli Fannar Bjarkason, 6.1.2007 kl. 00:21]

Sammála, maður vissi svo sem að með breyttum ritstjóra myndu áherslurnar breytast en en svona þvílík U-beygja var ófyrirsjáanleg. Kommon, DV ekki með umtalaðasta skilnað dagsins í dag á forsíðu, heldur er honum skellt á bls. 14. Eitthvað bogið við það...

En annars ku fréttin vera unnin úr tilkynningu frá parinu fyrrverandi, svo varla eru þeir að hnýsast?